الك صاحب اظل اني والك اخ
وفراكك لجم كلبي ولك آخ
بس آني اظل خلك والك آخ
وروحك اغلى من روحك علية
المن اشكي هموم الدهر وشراح
وما ادري شبقى من العمر وشراح
الناس فخاذ تاكل لحم وشراح
وانا العضمات ماتحصل بدية
اتم اهذي بنديم الجهل والطار
صدج من سرحة الوديان والطر
وحك دين الهرف ياترف (والطير) والطار
انة وياك نشرك بالمنية
زماني يكت علي ضيمة دبل كت
وبلكت ينصلح حاله دبلكت
صرت طوبة وزماني اصبح دبل كت
وبكل شوته يكول عشرة بية
احس بلروح تطحن راحت امي
ولإن دنياي سلبت راحت امي
تدري بيوم كالو راحت امي
احس كاع وسمة انطبكن علية